ఆస్తికుఁడననేమి? నాస్తికుఁడననేమి?
సాహితీమిత్రులారా!
ఈ పొడుపు పద్యం చూడండి-
సమాధానం చెప్పగలరేమో-
ఆస్తికుఁడననేమి? నాస్తికుఁడననేమి?
వేఱర్థములవేవి వేంకటేశ?
ఓషధియననేమి? ఔషధమననేమి?
వేఱర్థములవేవి వేంకటేశ?
రాజన్యుఁడననేమి? రాజనుఁడననేమి?
వేఱర్థములవేవి వేంకటేశ?
దీర్ఘదేహియదేది? దీర్ఘమైధువమేది?
వేఱర్థములవేవి వేంకటేశ?
శాస్త్రపద్ధతిలో నపశబ్దమేది?
శాస్త్రపద్ధతిలో నపస్వరమదేది?
మెప్పుగా నర్థభేదాలు చెప్పవలయు
దేవ శ్రీ వేంకటేశ! పద్మావతీశ!
సమాధానాలు-
ఆస్తికుడు - దైవవిశ్వాసముకలవాడు
నాస్తికుడు - దైవవిశ్వాసం లేనివాడు
ఓషధి - వనమూలిక
ఔషధము - వనమూలికలతో చేసిన మందు
రాజన్యుడు - క్షత్రియుని కుమారుడు
రాజనుడు - భూపాలుని కుమారుడు
దీర్ఘదేహి - పందికొక్కు
దీర్ఘమైధువము - శునకము
అపశబ్దము - వ్యాకరణ విరుద్ధపదము
అపస్వరము - మంత్రోచ్ఛారణఁదోషము
No comments:
Post a Comment