చ్యుత చిత్రము

సాహితీమిత్రులారా!

చ్యుతము అంటే తొలగించడం. కొన్ని అక్షరాలను తొలగిస్తే ఏర్పడే చిత్రం

ఇక్కడ గమనిద్దాం-

నగతనయన్ ధరన్ సిరిని నాలుగు వర్ణములన్ లిఖించి యా

చిగురున నక్షరంబిడిన చొప్పున నొక్కొక్క యక్షరంబునన్

అగును గజాననుండు నొకటాదిగ దీయ చతుర్ముఖుండు రెం

డుగ నటుదీయ షణ్ముఖుఁడు, వెంటనే పంచశరుండు వహ్నియున్

పై పద్యం ప్రకారం

నగతనయ - ఉమ

ధర - కు

సిరి- మా

ఉమాకుమా అనే అక్షరాలకు ర చేర్చిన ఉమాకుమార అవుతుంది

ఉమాకుమార అంటే గజాననుడు, వినాయకుడు

ఉమాకుమార - లో మొదటి అక్షరం ఉ తీసివేస్తే

మా కుమారుడు అవుతుంది అంటే బ్రహ్మ(చతుర్ముఖుడు)

మా కుమార - లో మా తీసివేస్తే కుమార

కుమార అంటే కుమార స్వామి (షణ్ముఖుడు)

కుమార - లో కు తీసివేసిన మార

మార అంటే మన్మథుడు(పంచశరుడు)

మార-లో మా తీసివేస్తే ర

ర అంటే వహ్ని అగ్ని