పదములన్నీ ఒకే అక్షరంతో ఉన్న పద్యం

సాహితీమిత్రులారా!

మొదటి పదానికి మొదట వచ్చిన వర్ణమే

పద్యం లేదా శ్లోకంలోని ప్రతిపదానికి

వచ్చినట్లయిన దాన్ని పదాది వర్ణావృత్తి

చిత్రమంటారు. ఇది శబ్దచిత్రంలోని

అక్షర చిత్ర విభాగానికి చెందినదిగా

పేర్కొన బడుతుంది- దీనికి

ఉదాహరణగా గోపీనాథరామాయణంలోని

ఈ పద్యం చూడండి-

విశ్వాథిప, విశ్వోదర

విశ్వాత్మక, విశ్వసాక్షి, విశ్వాధారా!

విశ్వమయ, విశ్వరూపక, 

విశ్వస్థితివిలయకరణ, విశ్వాతీతా!

                                                                      (1-1349)

ఇందులోని ప్రతిపదానికి  మొదట

వి - రావడం జరిగింది. కావున ఇది

పదాది వర్ణావృత్తికి చెందినదే కదా

(ఈ పదాలన్నీ విష్ణుసహస్రనామాలలోనివే కదా)