Monday, February 6, 2017

బృహన్మండల పుండరీక హరినాక నివాసులు


బృహన్మండల పుండరీక హరినాక నివాసులు




సాహితీమిత్రులారా!



ఈ గూఢచిత్ర పద్యం చూడండి-
ఇందులో అర్థకాఠిన్యం ఉంది గమనించండి-

భండనభీమ! కృష్ణ! నిజవైరినృపాలురు నిల్చియున్ బృహ
న్మండలపుండరీక హరి నాక నివాసులు, పాఱియున్ బృహ
న్మండలపుండరీకహరినాకనివాసులు, చచ్చియున్ బృహ
న్మండలపుండరీకహరినాకనివాసులు చిత్ర మిద్దరన్
                                                                                 (చాటుపద్యరత్నాకరము - పుట. 224)



భండనభీమ - యుద్ధమునందు(శత్రువులకు) 
భయము పుట్టించువాడా,
నిన్ను, ఎదిరి - తాకి(పోరి)
,
పాఱక - వెన్నిచ్చి(పరుగెత్తక)
నిల్చిన శాత్రవుల్ - శత్రువులు, 
బృహత్ - గొప్పవైన, మండల - గుండ్రములైన, 
పుండరీక - వెల్ల(తెల్ల)గొడుగులతోడ,
హరి - గుఱ్ఱములమీద, నాక - సుఖముగా, 
ని - మిగుల, వా - తిరుగుటకు, ఆస - స్థానమైనవారు,

పాఱియున్ - పాఱిపోయికూడ,
బృహత్ - గొప్ప, మండల - పాములకును, 
పుండరీక - పులులకును, హరి - సింహములకును, 
నాక - నెలవగు అడవియందు, 
ని - నిర్గత(పాయిన), 
వాసులు - కట్టుబట్టలు గల వారై యుందురు-

చచ్చియున్ -మరణించి కూడ,
బృహత్ - గొప్పదియు, మండల - ఎఱ్ఱనిదియునగు, 
పుండరీక - కమలములవంటి, హరి - సూర్యునియందును, 
నాక - స్వర్గమునందును, నివాసులు - ఉండువారు

బృహన్మండలపుండరీకహరినాకనివాసులు - 
అనేది మూడుమార్లు ఉన్నది- 
దీని వివరణ గమనించండి.

No comments: