అగస్త్యేన పయోరాశేః
సాహితీమిత్రులారా!
విదగ్ధముఖమండనమ్ లోని
ప్రశ్నోత్తర చిత్రం చూడండి-
అగస్త్యేన పయోరాశేః కియత్ కిం పీత ముజ్ఝితమ్?
త్వయావైరికులం వీర సమరే కీ దృశం కృతమ్?
ఇందులో రెండు ప్రశ్నలున్నాయి.
రెంటికి సమాధానం ఒకటే ఉండాలి
ప్రశ్నలు-
1. అగస్త్యేన పయోరాశేః కియత్ కిం పీత ముజ్ఝితమ్?
(అగస్త్య మహాముని సముద్రంలోని దేన్ని ఎంత
పరిమాణంలో త్రాగి, మరల విడిచాడు?)
2. త్వయావైరికులం వీర సమరే కీ దృశం కృతమ్?
(వీరుడా యుద్ధంలో నీ శత్రువంశంను ఏమి చేసితివి?)
రెండింటికి సమాధానం - సకలంకమ్
1. అగస్త్యేన పయోరాశేః కియత్ కిం పీత ముజ్ఝితమ్?
(అగస్త్య మహాముని సముద్రంలోని దేన్ని ఎంత
పరిమాణంలో త్రాగి, మరల విడిచాడు?)
- సకలం - కమ్
( సకలం - మొత్తం, కమ్ - నీటిని)
(సముద్రంలోని నీటినంతటిని త్రాగి
మూత్ర రూపంలో విడిచాడని పురాణం)
2. త్వయావైరికులం వీర సమరే కీ దృశం కృతమ్?
(వీరుడా యుద్ధంలో నీ శత్రువంశంను ఏమి చేసితివి?)
(స - కూడుకొన్న, కలంకమ్ - మచ్చ)
(శూరునికి ఓడిన శత్రుబలము, పరాజయముతో
సకలంకం(మచ్చతోకూడినది) అయ్యెను)
No comments:
Post a Comment