కేషాం పంకజశోభా?

కేషాం పంకజశోభా?

సాహితీమిత్రులారా!

కవీంద్ర కర్ణాభరణంలోని
ఈ ప్రశ్నోత్తర చిత్రం చూడండి-
ఇందులో అన్నీ ప్రశ్నలే ఉంటాయి
సమాధానం మనమే చెప్పాలి
అందువలన వీటిని బహిర్లాపిక ప్రహేలికలు
అనికూడ అనవచ్చు.

కేషాం పంకజశోభా? ధూర్తజనః కీదృశం వధూమిచ్ఛేత్?
వక్తు మహోత్తర మేకం కమలభవ స్యాయురేవ వర మవధిః

ఇందులో రెండు ప్రశ్నలున్నాయి
1.కేషాం పంకజశోభా ?
2. ధూర్తజనః కీదృశం వధూమిచ్ఛేత్ ?

అనేవి వీటికి సమాధానం చెప్పడానికి కవి
బ్రహ్మ ఆయుష్షంత అవకాశం ఇచ్చాడు.
అయితే రెండుప్రశ్నలకు సమాధానం
ఒకటిగానే ఉండాలి - అది షరతు.

రెండింటికి సమాధానం - సరసామ్

1. కేషాం పంకజశోభా ?
   వేటికి తామరపువ్వులు శోభను తెస్తాయి?

   - సరసామ్ (పెద్దచెరువు లేక కొలనుకు)

2. ధూర్తజనః కీదృశం వధూమిచ్ఛేత్?
   ధూర్తుడు ఎలాంటి స్త్రీని కోరుకుంటాడు?

- సరసామ్
   (శృంగారరస విశిష్టయైన స్త్రీని) కోరుకుంటాడు.