దీని దెలుయు శ్రేష్ఠులు గలరే!
సాహితీమిత్రులారా!
ఈ పొడుపు పద్యాన్ని విప్పండి-
శిల వృక్షలతల బుట్టిన
చెలువులు మువ్వురును గూడి శివలగ్నమునన్
తలవాకిట రమియింతురు
చెలువలరగ దీని దెలుయు శ్రేష్ఠులు గలరే!
రాతినుండి, చెట్టునుండి, తీగలనుండి
పుట్టిన ముగ్గురు స్త్రీలు మంచి సమయంలో
తలవాకిట చేరి క్రీడిస్తారు- దీన్ని తెలిసినవారు
ఉన్నారా - అనేది పొడుపు.
ఆలోచించండి-
విడుపువిషయానికి వస్తే-
రాతినుండి పుట్టినది - సున్నం
వృక్షం నుండి పుట్టినది - వక్క
తీగనుండి పుట్టినది - తమలపాకు
ఈ ముగ్గురు స్త్రీలు కలిసి మంచి సమయంలో
తలవాకిట(నోట్లో) క్రీడిస్తే దాన్ని తాంబూలం అంటాంకదా!
సమాధానం - తాంబూలం
చూచారా ఆలోచిస్తే మెదడుకు పదునెక్కుతుంది
సమస్యలకు పరిష్కారం సులువవుతుంది.
No comments:
Post a Comment