పళ్లు లేవుకాని రాళ్ళను తింటుంది
సాహితీమిత్రులారా!
ఈ ప్రహేలిక చూడండి-
దన్తైర్హీనః శిలాభక్షీ నిర్జీవః బహుభాషకః
గుణ స్యూతి సమృద్ధోऽపి పరపాదేన గచ్ఛతి
దానికి పళ్లులేవు కాని రాళ్లను తింటుంది
ప్రాణం లేకున్నా అనేక భాషలు మాట్లాడుతుంది
గుణం(దారం) అల్లికతో పెరిగినా, ఇతరుల
కాలితో నడుస్తుంది - అది ఏది?
దీనికి సమాధానం - చెప్పు
దానికి దంతాలుండవుకదా దాని మధ్యలోపడి
రాళ్ళు చగిలిపోతాయికదా, ప్రాణం లేకున్నా
కిర్రు కిర్రుమని అనేక విధాలుగా శబ్దం చేస్తుందికదా
దారంతో కుట్టబడి పెరిగి పెప్పుగా తయారౌతుందికదా
మరి చెప్పు పరుల పాదాలతోనే కదా నడిచేది.
No comments:
Post a Comment