Thursday, February 16, 2017

పంచాంగము చూచి పక్కున నవ్వెన్


పంచాంగము చూచి పక్కున నవ్వెన్ 




సాహితీమిత్రులారా!



సమస్య -
పంచాంగము చూచి లంజ పక్కున నవ్వెన్


పూర్వకవి పూరణలు-

పంచమి నాఁడొక విప్రుడు
కంచముఁ దాకుదువఁ బెట్టి కామాతురుఁడై
మంచముపై రతిసేయఁగ 
పంచాంగము చూచి లంజ పక్కున నవ్వెన్

మరోపూరణ-

పంచమినాఁడొక విప్రుఁడు
అంచితముగ చెట్టు నెక్కి యాకులు కోయన్
కించిత్తు పంచదొలఁగిన
పంచాంగము చూచి లంజ పక్కున నవ్వెన్

రెండు పూరణలు ఒక సందర్భాన్ని ఆధారం చేసుకొని
పూరించడం జరిగింది. పంచాంగము అంటే తిథివార
నక్షత్రాలను చూచేది కాదని పురుషాంగంగా  అర్థాన్ని
మార్చడం వలన  సందర్భోచితమైనది పూరణ.



మీరునూ మరో విధంగా పూరించి పంపగలరు

No comments: