Monday, August 15, 2016

కల్పితలింగజంగమ (అనుకరణ పద్యం)


కల్పితలింగజంగమ (అనుకరణ పద్యం)


సాహితీమిత్రులారా!

క్రీ.శ. 1218 -1285 మధ్యకాలంలోని
యథావాక్కుల అన్నమయ్య
"సర్వేశ్వరా" శతకంలోని
ఈ పద్యం చూడండి.

శ్రీకంఠాయ నమోనమో, నతసురజ్యేష్ఠాయ రుద్రాయ లిం
గాకారాయ నమోనమో, విగతసంసారాయ, శాంతాయ, చం
ద్రాకల్పాయ నమోనమో, దురితసంహారాయ తేయంచు ని
న్నాకాంక్షం బ్రణుతించు మానవుఁడు నీవైయుండు సర్వేశ్వరా!



దీనికి అనుకరణ పద్యం
పాల్కురికి సోమనాథుని
వృషాధిప శతకము(52) చూడండి.

కల్పితలింగజంగమాయ సుఖస్ఫురణాయ నమోనమో యసం
కల్పవికల్పమార్గకథకప్రథితాయ నమోనమో గుణా
కల్పవరాయతే యనుచు గౌరవలీల నుతింతు నిన్ను
స్వల్పతరప్రభావ బసవా! బసవా! బసవా! వృషాధిపా!

ఈవిషయం శతకవాఙ్మయసర్వస్వము పుట.34లో ఇవ్వబడినది.

No comments: