Sunday, August 21, 2016

కాపిదీప్రప్రదీపికా


కాపిదీప్రప్రదీపికా


సాహితీమిత్రులారా!

పద్యంలోని పాదము సగము విలోమముగా రాసిన
ఆ పాదము పైనుండి క్రిందికి చదివినా
క్రిందినుండి పైకి చదివినా ఒకేలా ఉంటుంది.
దీన్ని అర్థపాదానులోమ ప్రతిలోమము లేదా పాదభ్రమకము అంటాము.
పాదభ్రమకాలు కొన్ని చూచి ఉన్నాము ఇప్పుడు మరొకటి చూడండి.

కాళీనానననాళీకా
రాధితాహిహితాధిరా
మాయాసామమసాయామా
కాపిదీప్రప్రదీపికా

కాళీ + పార్వతి యొక్క, ఇన - భర్తయిన శంకరుని,
ఆనననాళీక = వదనారవిందముచే, ఆరాధితా = స్తుతింపబడినది.
హిత = భక్తుల యొక్క, అది = మనోవ్యధను, రా = తొలగించునట్టి,
యామా = ఏ లక్ష్మిదావి, సా = (భక్తులయందు) దయయొక్క,
ఆయామా = దీర్ఘతకలదై ఒప్పుచున్నదో, సా = అట్టి లక్ష్మిదేవి,
 మమ = నాకు, కాపి = అనిర్వచనీయమైన,
దీప్రప్రదీపుకా = ఎప్పుడు ప్రకాశించు దీపిక అగుగాక!


No comments: