గిరి, విరి, సిరి, కరి
సాహితీమిత్రులారా!
దత్తపది-
గిరి,
విరి,
సిరి,
కరి-
అనే పదాలనుపయోగించి
రామాయణార్థంలో పద్యం చెప్పాలి-
సింహాద్రి శ్రీరంగం గారి పూరణ-
గిరిసుత నాధునిధనువును
కరి సరసిజనాళమట్లు - కడువడి ద్రుంచన్
విరిబోడి సీతతోఁ జే
సిరి పెండిలి పెద్దలెల్ల - శ్రీరామునకున్
ఇందులో గిరిని గిరిసుత నాధునిధనువు - శివధనుస్సుగా
కరిని- అలాగే ఉంచి ఏనుగు తామరతూడును త్రుంచినట్లు- అని
విరిని విరిబోడిగా, సిరిని జేసిరి గా తీసుకోవడంతో
రామాయణార్థంలో అర్థవంతంగా ఇమిడిపోయాయి
దత్తపదాలు.
No comments:
Post a Comment