వడిదీనిని చెప్పవలయు
సాహితీమిత్రులారా!
ఈ పొడుపు పద్యం చూడండి
సమాధానం చెప్పగలరేమో-
ఉడికియునుడకనిదొక్కటి
వడినుడికినదొకటియచ్చ పచ్చిదొకటియున్
గడునమలనందమౌనది
వడిదీనిని జెప్పవలయు వరసరసులిలన్
ఇందులో
ఉడికి ఉడకనిది ఒకటి
బాగా ఉడికినది ఒకటి
పచ్చిది ఒకటి
ఈ మూడింటిని నమిలితే ఆనందమౌతుందట
- అదేమిటో చెప్పమంటున్నాడు కవి-
ఉడికి ఉడకనిది - పోకచెక్క (వక్కపేడు)
బాగా ఉడికినది - సున్నము
పచ్చిది - తమలపాకు
ఈ మూడింటిని నమిలిన ఆనందమౌతుంది
నోరు ఎర్రగామారి ఆరోగ్యాన్నిస్తుందికదా!
అదే - తాంబూలం
No comments:
Post a Comment