మహాసేనోదయములోని చిత్రకవిత్వము - 3
సాహితీమిత్రులారా!
మహాసేనోదయములోని రెండవ ఆశ్వాసములోని
చిత్రకవిత్వము మరికొన్ని అంశాలు -
శబ్దచిత్రము-
అచల జిహ్వ శుద్ధౌష్ఠ్యము - (2- 252)
ఇది పెదిమలు మాత్రమే తగులుతూ నాలుక కదలని పద్యం
ప,ఫ,బ,భ,మ,వ - అనేవి ఓష్ఠ్యములు వీటినిమాత్రమే ఉపయోగించి
పద్యం కూర్చారు
భావభవోపమవామా
భావిభవాబభవభావపాపావిపవీ
భూవిభుబోమావాపా
భావామవిభోపభవప భభవప్రభువా
దీన్ని ఒకసారి పలికి చూడండి
నాలుక కదులుతుందేమో
కదలుదుకదా
అలాగే పెదిమలు తగలకుండా
పలుకగలమేమో చూడండి
పలుకలేము కదా!
ఆకార చిత్రం(బంధకవిత్వం) -
గోమూత్రికాబంధం (2- 253)
సురనరవరపరిపాలా
శరనిధిగర్వాపవిజిత శౌర్యవిధానా
మరపరహర భరితైలా
హర విధిశర్వాణివినుత యార్యనిధానా
దీనిలో పూర్వర్థము పొడవుగా వ్రాసి
దానిక్రింద ఉత్తరార్థం వ్రాయగా
ఈ విధంగా వస్తుంది-
సురనరవరపరిపాలా శరనిధిగర్వాపవిజిత శౌర్యవిధానా
మరపరహర భరితైలా హర విధిశర్వాణివినుత యార్యనిధానా
ఇపుడు ప్రతి పాదములో 2,4,6,8,10,12,14 అక్షరాలను
అంటే సరిసంఖ్యలోని అక్షరాలను గమనిస్తే
రెండింటిలోనూ ఒకే వర్ణం ఉన్నట్లు గమనించగలం.
సురనరవరపరిపాలా శరనిధిగర్వాపవిజిత శౌర్యవిధానా
మరపరహర భరితైలా హర విధిశర్వాణివినుత యార్యనిధానా
దీన్ని ఈ క్రిందివిధంగా వ్రాయడం వలన
గోమూత్రికా బంధమవుతుంది -
No comments:
Post a Comment