ఏకాక్షర నిఘంటువు - 36
సాహితీమిత్రులారా!
నిన్నటి తరువాయి.........
ఉద్ - ఈ క్రింది అర్థములలో ఉపయోగింప బడుతున్నది
ఉన్నతస్థానము, వినియోగము, బయట, నుండి,
పైకి పోవుట, సంపాదించుట, ప్రచారము, ఆశ్చర్యము,
ఉత్కంఠ మొదలైనవి.
ఊ - వాక్యారంభము, రక్షించుట, గురుస్వరూపము, ఇచ్ఛ, స్వామ్యం
ఊం - కోపంతో పలుకుట, అడుగుట, నింద, పోటి
ఊః - పురుషుడు, చంద్రుడు, రాజపుత్రుడు, కంఠము, దేవత,
గొప్పముంగిలి, సాటి, నిండుకడవ(పూర్ణకుంభం),
వర్తకుడు, రక్షించుట, రక్షకుడు, మహేశ్వరుడు,
పోలిక, , ఇంద్రుడు
ఋ - వాక్యము, నిందించుట
ఋధ్ - వృద్ధినొందుట, వర్ధల్లుట, తృప్తినొందుట
ౠ - వాక్యము, కాపాడుట, నింద, భయము
ౠః - తలవెండ్రుక, పాము, చూపు, దరిద్రుడు, స్వర్ణము,
కమలము, స్వర్గము, డబ్బు, నేరేడుచెట్టు, భైరవుడు,
దానవుడు
ౠమ్ - సమ్మోహనకరమూ ఉజ్వలమూ అయిన ఒక బీజాక్షరం
ఌః - శివుడు, ఏనుగుదంతము, ఎండ్రకాయ, కోతి, కోర,
స్వర్గము, అదితిదేవి, గంధము మొదలైన వాటిచే
పూయబడిన శరీరము, చనిపోయిన మనుమడుగలవాడు,
ఱొమ్ము, కాపాడుట.
ౡ - ఊసరవెల్లి, పర్వతము, శరీరము, శుభమును చేయువాడు,
దేవత, విలాసగమనము, కన్ను, ఎముక, కద్రువతల్లి, స్త్రీ.
ఏ - తేజస్సు, ఉదకము, రాత్రి, మేడయొక్క మధ్యభాగము, విష్ణువు.
ఏజ్ - వణకుట, కదలుట, ప్రకాశించుట
ఏధ్ - వృద్ధినొందుట, సుఖముగా జీవించుట
No comments:
Post a Comment