Monday, April 10, 2017

తెరపై ముద్దులు భారతావనిని కదే తప్పు


తెరపై ముద్దులు భారతావనిని కదే తప్పు




సాహితీమిత్రులారా!



సమస్య-
తెరపై ముద్దులు భారతావనిని కదే తప్పు శాస్త్రోక్తమే


విద్వాన్ వి.యమ్.భాస్కరరాజుగారి పూరణ -

పరమౌ యుక్తవయస్సురాగ ప్రజకున్ వాత్సల్యమేపార- సం
బరతన్ పెద్దలు పెండ్లిసేయ - ముదమొప్పారన్ సరాగాల తో
మరుకేళిన్ తనివారఁగోరు తనయుల్ మర్యాదగా భార్య - వా
తెరపై ముద్దులు భారతావనిని కదే తప్పు శాస్త్రోక్తమే


ఇందులో సినిమాలలో తెరపై ముద్దులు పెట్టుకోవడం
తప్పుకాదని చెప్పడం సమస్య దాన్ని తెరగాక
వాతెరగా మార్చడం వల్ల సమస్సను పరిహరించడం జరిగింది
(వాతెర - పెదవి)


మీరునూ మరోవిధంగా పూరించి పంపగలరు

No comments: