మీసములేని వారలెసుమీ

మీసములేని వారలెసుమీ

సాహితీమిత్రులారా!

సమస్య - 
మీసములేని వారలెసుమీ కవి ధీరులు ధాత్రిలోపలన్

మీసములేనివారే కవులని సమస్యార్థము.

పి.యస్.ఆర్. ఆంజనేయ ప్రసాద్ గారి పూరణ -

ధీ, సముద్రులైన గురుదేవులు తిర్పతి వేంకటేశ్వరుల్
భాసిత సంస్కృతాంధ్ర ప్రతిభా కవితా మహితాశుధోరణుల్
ఏ సభనైన జయించుట సాధ్యమె? పోటి నిల్వరే
మీ? సములేని, వారలెసుమీ కవిధీరులు ధాత్రిలోపలన్

ఇందులో మీసం అనే పదాన్ని విడదీసి వాడటం జరిగింది.
నిల్వరేమీ - సములేని - అని వాడటం జరిగింది.
మీతో సమానులైతే నిల్వరేమి అనే అర్థంతో భాసిల్లుతున్నది.

మీరునూ మరోవిధమైన పూరణచేసి పంపగలరు