గీత రథబంధము
సాహితీమిత్రులారా!
శబ్దచిత్రం, బంధచిత్రం కలిసిన వాటిని
మిశ్రమ చిత్రంగా చెప్పవచ్చు
ఇక్కడ నిరోష్ఠ్య రథబంధగీతము ఇది
చూడండి-
ఇది రాప్తాటి ోబిరెడ్డిగారి శ్రీనివాస చిత్రకావ్యంలోనిది
నిరోష్ఠ్యము అంటే పెదవులు తగలకుండా పలికే
పద్యం మరియు రథబంధము ఇది
శ్రీధరా సజ్జనాధార శేషశాయి
సరసిజాతాక్ష శ్రీ సతీశా జయాఢ్య
రాక్షసారి నారాయణ రాధికేశ
యనఘ యకలంక నయగేహ హరి గిరిధర
దీన్ని రథబంధంగా వ్రాసిన
మధ్యలో పైనుండి క్రిందికి
శ్రీ రాధా సతీ నాయక హరి - అని ఉంటుంది
శ్రీ
ధ రా స
జ్జ నా ధా ర శే
షశా యి స ర సిజా
తా క్ష శ్రీ స తీ శా జ యా ఢ్య
రా క్ష సా రి నా రా య ణ రా
ధి కే శ య న ఘ య
క లం క న య
గే హ హ
రి గి రి ధ ర
ఇందులోని పద్యం పెదవులతో పలుకబడదు
మరియు పద్యమును రథబంధముగా వ్రాయవచ్చును
కావున ఇది మిశ్రమచిత్రము
No comments:
Post a Comment