ఏకాక్షర నిఘంటువు - 3
సాహితీమిత్రులారా!
నిన్నటి తరువాయి..........
ఏ - తేజస్సు, రాత్రి, ఉదకము, విష్ణువు, ఆకాశము,
మణిమధ్యభాగము, సన్నిధి, ఏవార్థకము,
సూర్యోదయకాలమునకు, పదకొండవ సంఖ్యకు,
(దుఖ:భావనము, కోపము, ప్రత్యక్షము, సమీపము)
ఏ: - విష్ణువు
ఏమ్ - సర్వవశ్యకర శుద్ధ తత్త్వబీజము.
ఐ - హస్తము, దిక్కు, పర్వతశిఖరము, చర్మము,
విష్ణువు, శివుడు, స్మరణము, ఆహ్వానము,
నియంత్రణము,
ఐమ్ - వాగ్బీజము, పురుషవశ్యకరము,
శుద్ధ సాత్వికమునగు బీజాక్షరము.
ఓ - కమలము, గోడ, ఉదకము, కుబేరుడు, చంద్రుడు,
మేఘము, యోని, బృహస్పతి, ఇంద్రుడు, బ్రహ్మదేవుడు,
సందేహము, స్మరణము, మొల, పిలుచుట(సంబోధనము,
ఆహ్వానము)
ఓ: - బ్రహ్మ
ఓమ్ - ప్రణవ బీజము, సమస్తవాఙ్మయరూపము,
నిత్య శుద్ధమునగు బీజము, ఈశ్వరుడు, స్వీకారము.
ఓం - పరమాత్మ, ఆరంభము, మంగళము
ఔ - కుమారస్వామి, స్వచ్ఛమైన మేనికి పేరు, చంద్రకళ,
సిద్ధులవిమానము, అనంతుడనే సర్పము,సంబోధనము,
ఆహ్వానము, విరోధము, నిశ్చయము.
ఔ: - శబ్దము, అనంతుడు, భూమి.
ఔమ్ - సర్వవాఙ్మయప్రదము, వశ్యకరమునకు ఒక బీజాక్షరము.
అం - వక్రవాక్యము, అతిదీర్ఘము, ఆజ్ఞ, దోసిలి,
సప్తస్వర కాలపరిణామము, పరమాత్మ,
కారణము, కక్ష్య, అంతపురము, గౌరవము.
అ: - సిగ, సిద్ధమంత్రము, సూర్యరథాశ్వము, నిర్బంధము,
చక్రము, చంద్రబింబము, కోడితల, బ్రహ్మ, విష్ణువు,
మహేశ్వరుడు.
No comments:
Post a Comment