ఏకాక్షర నిఘంటువు -1
సాహితీమిత్రులారా!
ఏకాక్షర నిఘంటువు అందరికి అందుబాటులో
ఉండేందుకు చిరుప్రయత్నం-
అందరు ఉపయోగించుకొంటారని .....
అ - బ్రహ్మ,విష్ణువు, శివుడు, తాబేలు, ముంగిలి, యుద్ధము,
గొప్ప తనము, అంత:పురము, హేతువు, భూషణము,
పాదము, పార్వతి, యజ్ఞము, చంద్ర బింబము, గాయత్ర్యాది
మంత్రము, చక్రము, కోడితల, బృహస్పతి, గాలి, సిగ, గుఱ్ఱము
మొదలైనవి.
అ: - సిద్ధమంత్రము, సూర్యాశ్వము, చంద్రబింబము, కోడితల,
పగ్గము, సిగ. బ్రహ్మ, నారాయణుడు, పరమేశ్వరుడు,
ఒక రౌద్రబీజము, మృత్యునాశక బీజాక్షరము.
అమ్ - ఆకాశబీజము, విష్ణుబీజము, వృక్షబీజము, వంశీకరణ బీజము,
హేతువు, భూషణము, స్వల్పము, త్వర, వంకర మాట, దోసిలి,
అనుస్వారము, బిందువు, ముంగిలి, యుద్ధము,
అంతిపురము, పాదము.
ఆ - స్థానము, భావము, పరితాపము, బ్రహ్మదేవుడు, కోపము,
తలంపు, వాక్యపూరణ, ఆక్షేపము, ఆశ్చర్యము, సంతోషము,
వైరాగ్యము, ప్రభావము, సంబోధనము, బలము, కడవ, బరువు,
పూజ, తాత, మంగళసూత్రము.
ఆ: - స్థానము, భావము, సంతాపము, బ్రహ్మ, శివుడు, కోపము,
ఆక్షేపము, తలపు, అచ్చెరువు, సంతసము, విరాగము, ప్రబోధము,
సంబోధనము, బలము, బరువు, కడవ, పూజ, తాత, మంగళసూత్రము,
దుఖము, శమము, సదాచారము, ముఖము, ఉనికి.
ఆమ్ - అంగీకారము, స్మరణ, నిశ్చయము, జవాబు, పాశము,
ఒక ఆకర్షణీయ బీజము.
ఆఙ్ - స్వల్పము. వరకు, గ్రహించుట, కప్పుట, పూరించుట,
కోపగించుట, కౌగిలించుట, తిట్టుట, కోరుట, కాలక్షేపము,
వేడుక, దగ్గర, వంచనము, బంధము, నిరోధము, విరోధము,
సంహారము, స్నానము, వాడుక, చూచుట, హద్దు, ఆలోచించుట,
బుద్ధి, ఈవి, పరాధీనము, భూషణము, సంభాషణ, ఎదురు,
ఆక్రమణము, జీవనోపాయము, మరుపు, నమ్మిక, ప్రయత్నము,
భోజనము, సంబోధనము, పూజ, బడలిక, వాత్సల్యము, సంచయము.
No comments:
Post a Comment