సంస్కృత సమస్యా పూరణ

సాహితీమిత్రులారా!

సంస్కృత సమస్య -
పురః పత్యుః కామాత్ శ్వశుర మియ మాలింగతి సతీ
(పతివ్రత అయిన స్త్రీ భర్త ఎదుట
 కోరికతో మామను కౌగిలించుకున్నది)


పూరణ-
తపాపాయే గోదావరతటభువి స్థాతుమనసి
ప్రవిష్టే తత్పూరం భగవతి మునౌకుంభజమషి
ద్రుతం లోపాముద్రా స్వయ మవికలం గంతు ముదితా
పురః పత్యుః కామాత్ శ్వశుర మియ మాలింగతి సతీ

అగస్త్యముని ప్రవాహంలో దిగి వెళుతుండగా,
ఆయన్ను చేరుకోవాలని నదిని దాటడానికి
కుండను సహాయంగా తీసుకున్నది లోపాముద్ర
- అని భావం.

అగస్త్యుడు కుంభసంభవుడు కావున కుండ లోపాముద్రకు
మామ అవుతాడు ప్రవాహాన్ని కుండసాయంతో దాటడం
లోక ప్రసిద్ధమేకదా కావున కవి ఈ విధంగా చమత్కారంగా
పూరించాడు.