Wednesday, November 2, 2016

వజ్రము పచ్చయ్యె పచ్చ వజ్రం బయ్యెన్


వజ్రము పచ్చయ్యె పచ్చ వజ్రం బయ్యెన్



సాహితీమిత్రులారా!




సమస్య- వజ్రము పచ్చయ్యె పచ్చ వజ్రం బయ్యెన్

కందుకూరి రుద్రకవి పూరణ-

వజ్రమురా నీ హృదయం
బీ జ్రా ప్రాసంబు మాకు నీయం దగునా
వజ్రి సభ గరుడు డాడిన
వజ్రము పచ్చయ్యె పచ్చ వజ్రం బయ్యెన్

మొదటి రెండుపాదాలలో సమస్య ఇచ్చిన
వారి హృదయం వజ్రమని జ్ర - కార ప్రాస ఇవ్వవచ్చునా
అంటూ మిగిలిన రెండు పాదాలలో సమస్యను పూరించాడు.

(పచ్చని గరుత్మంతుడు మహేంద్రుని సభ పైన
ఎగురగా వజ్రానికి పచ్చని కాంతి వచ్చి పచ్చగా భాసించింది.
అతని ముక్కు తెల్లగా ఉంటుంది కనుక
 ఆ కాంతి చేత పచ్చ వజ్రంగా భాసించింది.)

మణులలో గరుడ పచ్చ అని గరుడుని శరీరకాంతిని బట్టి పేరు
దాని పురస్కరించుకొని కవి దీన్ని పూరించాడు


మీరు మరోరకంగా పూరించి పంపండి.

No comments: