కిం వద త్యాతుతో వైద్యం?

కిం వద త్యాతుతో వైద్యం?

సాహితీమిత్రులారా!

ఈ శ్లోకం చూడండి-

కిం వద త్యాతుతో వైద్యం? వాజిశాలా చ కీ దృశీ?
ఆంధ్రగీర్వాణ భాషాభ్యాం ఏకమేవోత్తరం వద


ఇందులో రెండు ప్రశ్నలు ఉన్నాయి.
వాటిలోని ప్రశ్నలకు
తెలుగు, సంస్కృతభాషలలో
సమాధానం ఒకటే పదంగా ఉండాలి-
ఆలోచించండి-

1. కి వద త్యాతుతో వైద్యం?
   (రోగి వైద్యుని ఏమని కోరతాడు?)
2. వాజిశాలా చ కీ దృశీ?
  (గుఱ్ఱపుశాలను ఏమంటారు)

రెండింటికి సమాధానం - మందురా

1. కి వద త్యాతుతో వైద్యం?
   (రోగి వైద్యుని ఏమని కోరతాడు?)
    రోగి వైద్యుని మందురా
    (మందుతీసుకొనిరారా) అంటాడు(ఇది తెలుగు)

2. వాజిశాలా చ కీ దృశీ?
    (గుఱ్ఱపుశాలను ఏమంటారు?)
     గుఱ్ఱాలచావిడిని సంస్కృతంలో మందురా అంటారు