Sunday, November 20, 2016

హృదయము చీల్ప రత్నములు హేమములున్ గనవచ్చు


హృదయము చీల్ప రత్నములు హేమములున్ గనవచ్చు




సాహితీమిత్రులారా!



సమస్య-
హృదయము చీల్ప రత్నములు హేమములున్ గనవచ్చు నంతటన్

ఎవరి హృదయము చీల్చితే
బంగారు రత్నాలు వస్తాయి
హృదయాన్ని చీలిస్తా రత్నాలు,
బంగారం కనబడతాయా
ఇది సాధ్యం కాదుకదా

పూరణ-
చోట్నీరు శ్రీరామమూర్తిగారు-

విదిత కృషీవలత్వమున బీళ్ళను దున్నియు పైడి పంటలున్
బొదలగ జేయు కర్షకులె భూషణమౌ ధర రత్నగర్భ నా
విదిత యశంబు గాంచి వసువృద్ధిని కూర్చును తద్వసుంధరా
హృదయము చీల్ప రత్నములు హేమములున్ గనవచ్చు నంతటన్

పుడమిపైన బీళ్ళు దున్ని బంగారపు
పంటలను పండిస్తారు కృషీవలులు.
రత్నగర్భ అయిన భూమిలోనుంచి
పండిందంతా
బంగారమే రత్నరాసులే

హృదయము జీల్ప అనేది
వసుంధరా హృదయము జీల్ప అనడంతో
సమస్య హృద్యంగా మారినది.


ఆసక్తిగల మీరు రసరమ్యంగా పూరించి పంపగలరు.

No comments: