Sunday, October 23, 2016

భామయు భామయున్ గలియ బాలుడు పుట్టె


భామయు భామయున్ గలియ బాలుడు పుట్టె


సాహితీమిత్రులారా!


సమస్య-
భామయు భామయున్ గలియ బాలుడు పుట్టె సత్యభామకున్

కరుణశ్రీ గారి పూరణ-

శ్రీమతి లేఖ బంపినది, చేయడు కార్యము మామ, తానట
గ్రామణియైన యల్లు డొక రాతిరి కూతురి చెల్మి కత్తెయై
మామ గృహంబు జేరి తన మానినిగూడెను, ఆ యసత్యపుం
భామయు భామయున్ గలియ బాలుడు పుట్టెను సత్యభామకున్

అసత్యపుం భామ అనటంతో
అసత్యమైన భామ అంటే భామకాదని
పుం - భామ అంటే పురుషుడైన భామ అని అర్థం.


ఆసక్తిగలవారును సరిక్రొత్తగా పూరించి పంపగలరు.

No comments: