మునికిన్ కోపమె భూషణంబగు
సాహితీమిత్రులారా!
సమస్య-
మునికిన్ కోపమె భూషణంబగు ప్రజామోదంబు సంధిల్లగన్
మునికి శాంతంకదా ఉండాల్సింది కోపమెలా
ఆభరణమౌతుంది అది ప్రజాసంతోషంతో
కరుణశ్రీ గారి పూరణ -
మునికిన్ శాంతము భూషణంబగు, సుధాపూరంబు వర్షించు సో
మునికిన్ కౌముది భూషణంబగు, జగమ్మున్ కాచి రక్షించు రా
మునికిన్ ధర్మమె భూషణంబగు, దురాత్ముండౌ బకుం గూల్చు భీ
మునికిన్ కోపమె భూషణంబగు ప్రజామోదంబు సంధిల్లగన్
మీరు మరోవిధంగా పూరించి పంపండి.
No comments:
Post a Comment