యాశ్రితా పావనతయా (అష్టదళ పద్మము బంధము)
సాహితీమిత్రులారా!
మనం ఆకారచిత్రంలో అదే
బంధకవిత్వమని పిలువబడే
వాటిలో గోమూత్రికాబంధము,
నాగబంధములను చూశాము.
ఇపుడు పద్మబంధమును గురించి
తెలుసుకుందాము.
యాశ్రితా పావనతయా
యాతనచ్ఛద నీచయా
యాచనీయా ధియా మాయా
యా మాయాసంస్తుతా శ్రియా
(సరస్వతీకంఠాభరణము 4-284)
పావనత్వంచేత ఆశ్రయింపబడినదియు,
ఉన్నతమైన బుద్ధిచేత మాయయందలి
ఆయాసమును(మాయానాశమును) యాచింపదగినదియు,
లక్ష్మిచేత సైతము సంస్తుతింప బడినదియు,
నరకాది కారణమైన యాతనను నాశము చేయును - అని భావం.
పై శ్లోకాన్ని ఈ క్రింది విధంగా వ్రాసిన
అష్టదళ పద్మబంధమౌతుంది గమనించండి.
పై శ్లోకంలో యా అనే అక్షరం 8 పర్యాయాలు
నాలుగుపాదాలలో ఆవృతమైంది.
దీన్ని పుష్పములోని మధ్యలోని దుద్దులో వ్రాయాలి.
పద్యప్రారంభంలోని యాశ్రితా
అనేది పద్యాంతములో తాశ్రియా అని
విలోమంగా వుంది.
ఈ క్రింది బంధచిత్రాన్ని చూస్తే
శ్లోకంలోని అక్షర విన్యాసాన్ని
గమనించవచ్చు
No comments:
Post a Comment