Monday, September 25, 2017

విశ్వం గీస్తున్న గీతలు


విశ్వం గీస్తున్న గీతలు




సాహితీమిత్రులారా!


అనుభవాన్ని అనుభూతిలోకి, 
అనుభూతిని అక్షరంలోకి
అందంగా అనువదించగల అనుభవశాలి
అరిపిరాల విశ్వం గారు. భాషలో ప్రాచీనత
తొంగి చూచినా భావనలో నవ్యత పొంగులు 
వారుతుంది. వీరి వచనకవితలలో రవీంద్రుని 
గీతాంజలి ఛాయా మాత్రంగా కనిపిస్తుంది-

గులాబి వర్ణన-



ఏ అచ్చర కన్నె మధురాధరాల నుండి

తొణికిన హసిత తరంగానివి?

ఏ సంకల్ప సిద్ధుని ఫలించిన

కోరికవో నువ్వు?



నా గుండె అంచున కరుడుగట్టిన

వాంఛలు చెమ్మగిలినై, నీ రాకతో

నా యౌవనపు మైకపు జీరల్ని

సిరలుగా, అనురాగ ప్రస్తారం చేసే
                        నువ్వు

చీలిన పారిజాతపు గుండెవా?
                గులాబివా?

ముగ్ధమైన స్నిగ్ధమైన

జాలినీ కాంక్షనూ

ఎదలోపలి పొరల్లో రేపే

నులివెచ్చని వసంత జాగృతిలా

అపూర్వ మధుజ్వాలా కీలికలా

విరిసిన తరుణారుణ లతాంతమా!

ఏ ప్రకృతి శిల్పి కుంచెకొసవో చెప్పు
.........................
.........................

       సంజె మబ్బు నీడలో
    
      గులాబి విచ్చుకున్నప్పుడు

      అసంఖ్యాక రక్తాశ్రులు

      ఘనీభవించిన చప్పుడు.

No comments: