మృగా త్సింహ: పలాయతే
సాహితీమిత్రులారా!
ఈ శ్లోకం చూడండి
ఇది ఒక సమస్యను పూరించినట్లుగా కనిపిస్తుంది.
మృగా త్సింహ: పలాయతే
(మృగం వలన భయపడి సింహం పాకిపోతున్నది)
ఇది ఒక ప్రహేలిక.
చూడండి శ్లోకం-
కస్తూరీ జయతే కస్మాత్కోహన్తి కరిణాం కులమ్
కిం కుర్యా త్కాతరో యుద్దేమృగా త్సింహ: పలాయతే
దీనిలో మూడు ప్రశ్నలు ఉన్నాయి.
మొదటి మూడు పాదాలలో మూడు ప్రశ్నలు,
చివరిపాదంలో సమాధానం ఉన్నది
కావున ఇది అంతర్లాపిక అనే ప్రహేలిక అవుతుంది.
1. కస్తూరీ జాయతే కస్మాత్?
(కస్తూరి దేన్నుండి పట్టును?)
2. కో హన్తి కరిణాం కులమ్?
(ఏది ఏనుగుల సమూహాన్ని చంపును?)
3. కిం కుర్యా త్కాతరో యుద్ధే ?
(యుద్ధంలో పిరికివాడు ఏమి చేస్తాడు?)
ఈ ప్రశ్నలకు సమాధానం - మృగా త్సింహ: పలాయతే
1. కస్తూరీ జాయతే కస్మాత్?
(కస్తూరి దేన్నుండి పట్టును?)
- మృగాత్(మృగము)
కస్తూరి మృగము నుండి పుట్టును
2. కో హన్తి కరిణాం కులమ్?
(ఏది ఏనుగుల సమూహాన్ని చంపును?)
- సింహ:(సింహము)
సింహము ఏనుగుల కులాన్ని చంపుతుంది
3. కిం కుర్యా త్కాతరో యుద్ధే ?
(యుద్ధంలో పిరికివాడు ఏమి చేస్తాడు?)
- పలాయతే (పారిపోతాడు)
పిరికివాడు యుద్ధంలో పారిపోతాడు.
No comments:
Post a Comment