వర్ణోత్తర చిత్రం
సాహితీమిత్రులారా!
ఒక ప్రశ్నకు ఒకే వర్ణం సమాధానమైన దాన్ని
వర్ణోత్తర చిత్రం అంటారు.
కవీంద్ర కర్ణాభరణంలోని ఈ శ్లోకం చూడండి-
కా కామధుక్? ప్రియా కా వా విష్ణోః? విశ్వం బిభర్తి కా?
విఘ్నానా మధిపః కశ్చ ప్రణామా త్సర్వకామదః?
దీనిలోని ప్రశ్నలకు సమాధానాలు - గౌరీభూః
(గౌః + ఈ - భూః)
1. కా కామధూక్ ?
కోర్కెలను తీర్చేది ఏది?
- గౌః(ఆవు /కామధేనువు)
2. ప్రియా కా వా విష్ణోః?
విష్ణువుకు ప్రియురాలెవరు?
- ఈ (లక్ష్మి)
3. విశ్వం బిభర్తి కా?
ప్రపంచాన్ని మోయునదేది?
- భూః (భూమి)
4. విఘ్నానా మధిపః కశ్చ ప్రణామా త్సర్వకామదః?
నమస్కరించినంతనే అన్ని కోర్కెల తీర్చే
విఘ్నాధిపతి ఎవరు?
- గౌరీభూః (గౌరీదేవి కన్నకొడుకు గణపతి)
దీనిలో మొదట ఒక్కొక వర్ణమే సమాధానమైంది
కావున దీన్ని వర్ణోత్తర చిత్రమంటారు.
No comments:
Post a Comment