ఆలినొల్లకయున్నవా నమ్మ మగని

సాహితీమిత్రులారా!

ఈ గూఢచిత్ర ఆశీర్వాద పద్యం

గమనించండి-

ఆలినొల్లకయున్నవా నమ్మ మగని

నందులోపల నున్నవా నక్కమగని

నమ్మినాతనునిఁ జెఱుచు దా నమ్మ సవతి

సిరులు మీకిచ్చు నెప్పట్లఁ గరుణతోడ

ఆలినొల్లకయున్నవాడు - భీష్ముడు, 

అతని అమ్మ - గంగ, 

గంగ మగడు - సముద్రుడు, 

అందులోనున్నవాడు - మైనాకుడు, 

మైనాకుని అక్క - పార్వతి, 

ఆమె మగడు - శివుడు, 

శివుని నమ్మినవాడు - రావణుడు, 

రావణుని చెఱచినది - సీత, 

ఆమె తల్లి - భూదేవి, భూమికి సవతి లక్ష్మి,

ఆ లక్ష్మి మీకు ఎల్లపుడు సంపద లిచ్చుగాక!