వాట్సప్ లో చక్కర్లు కొడుతున్న గూఢచిత్రం

సాహితీమిత్రులారా!

వాట్సప్ లో ఈ క్రింది అంశం చక్కర్లు కొడుతున్నది

అది గూఢచిత్రానికి సంబంధించినది గమనించగలరు-

ఒక రైలు ప్రయాణికుడు అచ్చమైన తెలుగులో మాట్లాడవలెనని 

తపనతో బుకింగ్ కౌంటర్ వద్దకు వెళ్ళి ఇలా అన్నాడు-

''ఓ ధూమశకట కార్యాలయాధ్యక్ష, నిక్కమైన రొక్కము పుచ్చుకొని 

సుగ్రీవ సోదరరథపురమునకు ఒక అనుమతి పత్రము దయచేయుమా''

అని అన్నాడు. అతని ప్రయాణము ఎక్కడికి చెప్పుకోండి చూద్దాం

సమాధానం - సుగ్రీవ సోదర రథపురము

సుగ్రీవుని సోదరుడు వాలి

రథము అంటే దీని పర్యాయపదం - తేరు

రెండూ కలిపితే వాల్తేరు

సమాధానం అవుతుంది.