Monday, October 12, 2020

రెండు హల్లులతో పద్యం

 రెండు హల్లులతో పద్యం




సాహితీమిత్రులారా!

రెండు హల్లులు ఉపయోగించి కూర్చిన శ్లోకాన్ని ద్వ్యక్షరి అంటారు.

ఇక్కడ "క-" అనే రెండు హల్లులను ఉపయోగించి కూర్చిన శ్లోకం

గమనించండి.

ఇందులో హల్లులు రెండే

వాటికి అచ్చులు ఏవైనా ఉండవచ్చు.

కాలేకిలాలౌకికైక

కోకాలాలకేలల

లికాకోల్లోలా

కులలోకాలిలాలికా

దీని అర్థం-

అలౌకిక = లోకవిలక్షణమైన, ఏక = ముఖ్యమైన,

కోల = ఆదివరాహస్వామియొక్క, కాలాలకే = భార్యవైన,

ఓ లక్ష్మీ,(కాల = నల్లని, అలకే = ముంగురుగలదానా!)

కలి = కలికాలమనే, కాకోల = విషముయొక్క,

కల్లోల = అభివృద్ధిచే, ఆకుల = బాధపడుచున్న,

లోక + అలి = ప్రజాసమూహమును, లాలికా = రక్షించుచున్న,

(త్వమ్) నీవు, కాలేకిల = అపాయసమయమున మాత్రము,

లల = సాక్షాత్కరించి ప్రకాశింపుము.

1 comment:

Anonymous said...

Thanks, Sir, for including the explanations and meanings. Without them, it is not possible for an average Telugu reader to enjoy the poems and know the meanings of some obscure words.