దొన పులి మొన యమ్ము శాఖి తుద లని పలికెన్

దొన పులి మొన యమ్ము శాఖి తుద లని పలికెన్

సాహితీమిత్రులారా!

సమస్యపూరణలు అనేక విధాలు
అందులో ప్రహేలికా పద్ధతి ఒకటి
గోపన పద్ధతి మరొకటి
ఆ రెండింటిని కలిపిన పద్ధతిలో
కూర్చబడిన సమస్యపూరణ ఇక్కడ చూడండి-

కవిజనోజ్జీవని - సమస్యలు- లోనిది ఈ ఉదాహరణ-

సమస్య -
దొన పులి మొన యమ్ము శాఖి తుద లని పలికెన్

కోటి శ్రీరాయరఘునాథ తొండమాన్ మహీపాలుడు పూరణ-

వనజాంబకుండు ననుఁగని
కిమకం గనలుచును గనులఁ గెంపు జనింపన్
ననతూపు లేసి రమ్మను
దొన పులి మొన యమ్ము శాఖి తుద లని పలికెన్

ఇది అంతర్లాపి సమస్య
సమాధానం సమస్యలోనే ఉంటే అది అంతర్లాపి
అలాగే ఇందులో
దొన, పులి, మొన, యమ్ము, శాఖి, ఈ పదాల తుదిని
ఉన్న అక్షరాలను కలిపిన
దొన, పులి, మొన, యమ్ము, శాఖి
నలినమ్ముఖి - అంటే నలినముఖి
అనే సంబోధన గూఢపరచబడింది కావున ఇది గూఢచిత్రంగాను
చెప్పవచ్చు.
ఒక స్త్రీ తన చెలికత్తెను చూచి దానితో
ఓ నలినముఖి!
నన్ను (వనజాంబకుడు - పూవును బాణంగా గలవాడు)
మన్మథుడు కినుకతో కనులు ఎర్రబడగా పూలబాణాలేసి
రమ్మని అంటున్నాడు - అని భావం