కరులన్ జూచిన శత్రు సింహములు
సాహితీమిత్రులారా!
సమస్య-
కరులన్ జూచిన శత్రుసింహములు వీకన్ దోక జాడించెడిన్
చోట్నీరు శ్రీరామమూర్తిగారి పూరణ-
వరణీ యాత్మబల ప్రతాప కలనా వైవిధ్య సన్నద్ధతన్
పరులన్ జెండి పరాక్రమించు విజయున్ పార్శ్వంబునం జూచియే
కురు సైన్యంబులు వారె భీతి హృదయ క్షోభ ప్రదాత్యంత భీ
కరులన్ జూచిన శత్రు సింహములు వీకన్ తోక జాడించెడిన్
ఏనుగులను చూసి సింహాలు తోక జాడిస్తున్నాయి అనే అసంబద్ధతను
అత్యంత భీకరులన్ - అని మార్చటం వలన అర్థస్పూర్తి కలిగిస్తూ
చేసిన పూరణ ఇది.
మీరునూ రమణీయాత్మకంగా పూరించి పంపగలరు.
No comments:
Post a Comment