కరి సింహము మీద నెక్కి కదిసెను దనుజున్
సాహితీమిత్రులారా!
సమస్య -
కరి సింహము మీద నెక్కి కదిసెను దనుజున్
వసంతరావు రామకృష్ణరావుగారి పూరణ-
పరులను పీడించుచు పలు
దురితము లొనరించునట్టి ధూర్తుని జంపన్
కరుణామయ భక్తవశం
కరి సింహము మీద నెక్కి కదిసెను దనుజున్
ఇందులో కరి - భక్తవశంకరి గా మార్చిపూరించాడు కవి.
భక్తవశంకరి - పరమేశ్వరి సింహ వాహన అయి రాక్షసుని
శిక్షించటానికి బయలుదేరింది- అనే అర్థంగా మారిపోయింది.
దీనితో సమస్య అందమైన పూరణాగా మారింది.
ఆసక్తిగల మీరును మరోవిధంగా పూరించి పంపగలరు.
No comments:
Post a Comment