ఏక ద్వి త్రి చతుః పంచ షట్సప్తష్టాక్షర క్రమపాద సీసము

ఏక ద్వి త్రి చతుః పంచ షట్సప్తష్టాక్షర క్రమపాద సీసము

సాహితీమిత్రులారా!

ఏకాక్షరి, ద్వ్యక్షరి, త్య్రక్షరి ఇలా చూసి ఉన్నారు.
కానీ ఇప్పుడు ఈ సీసంలో ఒక అక్షంతో ఒక పాదం,
రెండక్షరాలతో రెండవపాదం, మూడక్షరాలతో
మూడవ పాదం, నాలుగక్షరాలతో నాలుగపాదం,
ఐదక్షరాలతో ఐదవపాదం, ఇలా కూర్చటం జరిగింది
గమనించండి

రారార రారర రూరూర రేరార
         రేరార రీరర రూరరార 
భాభీరు భీభర భారభేరీరేభి
         భూరిభాభాభీ భూభూ భరాభ
నలినీ నివనైక లలనాకళానూన
         లాలనలోలా కళంక లీల 
దరదారి దర ధర కరదదాదోదర
         దార కాదర కరోదారవరద 
గోపబాలక పాలక పాపలోప 
సాలక విలాస వేంకటశైలవాస
భవ్యభాస భవాకారదివ్యరూప
రాధికాస్పుటదిక్కరి కాధరాంగ
                                (ప్రబంధరాజ వేంకటేశ్వర విజయవిలాసము - 878)


1వ పాదము-       1- అక్షరం- ర
రెండవపాదం- రెండక్షరాలు - భ,ర
మూడవపాదం - 3 అక్షరాలు-క,న,ల
నాలుగవ పాదం- 4 అక్షరాలు - క,ద,ర,వ
ఐదవపాదం-  5 అక్షరాలు - క,గ,ప,బ,ల
ఆరవపాదం -  6 అక్షరాలు - క,ట,ల,వ,శ.స
ఏడవపాదం-  7 అక్షరాలు - క,వ,భ,ర,ప,ద,య
ఎనిమిదవపాదం- 8 అక్షరములు - క,గ,ట,ద,ధ,ప,స,ర
ఈ విధంగా కూర్చబడినది