Tuesday, May 30, 2017

అష్టారచక్రబంధం


అష్టారచక్రబంధం




సాహితీమిత్రులారా!

చక్రబంధంలో 6 ఆకులుండే బంధాలను చూచాము
ఇక్కడ ఎనిమిది ఆకులున్న బంధాన్ని అష్టారచక్రబంధం
అంటాము దాన్ని చూద్దాం-

లక్ష్మీసహస్రంలోని ఈ బంధం చూడండి- ఇందులో
ఎనిమిది ఆకులలోని1,3,6,8 గడులలోని అక్షరాలను
వరుసగా కలుపగా గ్రంథకర్త పేరు, అనువాదకర్త పేరు,
గోత్ర నామ గుణ ప్రార్థనలను తెలిపే మరో పద్యంకూడ
ఉద్దారం చేయవచ్చు.

శార్దూలం-
ఆదిధ్యేయ రమా ప్రశాసః మహిజాతా భాగ్యదాయామ శ్రీ
యాదేయున్, హృదయాలయున్, శమములన్ బ్రారబ్ధమున్ జించుశ్రీ
త్రేదున్, వేంకటపాదుఁ బ్రోవు, మహిరాట్చ్రీద్వారు వే శర్మ మా
యాదా కట్ కట యీభవంబు మటుమాయన్ జార్చి కర్మన్ ననున్

దీన్నుండి ఉద్దారమయ్యే పద్యం-
విద్యున్మాల-
ఆ యాత్రేయశ్రీశ్రీ మానున్
ధ్యేయున్ వేంకట్ యాజిం శర్మన్
మాయాపాయీ భారద్వాజా
శాయున్ బ్రోవన్ జాలన్ రా మా

బంధం చూడండి-
పద్యం చూస్తూ బంధం చదవండి
ఇందులో 1,2,3,4 ఇలా సంఖ్యలు
చూచించ బడ్డాయి వాటిని గమనించండి-



No comments: