Thursday, June 16, 2016

ఒకటె రెండేసి ప్రశ్నల కుత్తరంబు


ఒకటె రెండేసి ప్రశ్నల కుత్తరంబు


సాహితీమిత్రులారా!

ఈ పొడుపు పద్యంలోని రెండేసి ప్రశ్నలకు ఒక సమాధానం
సరిపోయేవిధంగా సమాధానం చెప్పగలరేమో? చూడండి.

ఇంటికి వింటికి బ్రాణ మేది చెపుమ?
కంట మింటను మనమేమి కాంచగలము?
నవ్వు, పువ్వు దేనినుండి పొలుపు గాంచు?
ఒకటే రెండేసి ప్రశ్నల కుత్తరంబు.

పై పద్యంలో ప్రతి పాదంలో 2 ప్రశ్నలు ఉన్నాయి.
ప్రతి రెండు ప్రశ్నలకు సమాధానం ఒకటిగానే ఉండాలి.
అవి ఆలోచించి చూడగా......
ఇంటికి ప్రాణం ఏది? - ఇల్లాలు ( స్త్రీ )
వింటికి ప్రాణం ఏది? - అల్లెత్రాడు
ఈ రెంటిని నానార్థాలుగల పదం - నారి

కంట (కంటిలో), మింటిలో(ఆకాశంలో) మనం ఏంచూస్తాము
మనకంటిలో చూసేది ఏది? - కంటిపాప
ఆకాశంలో మనం చూసేది ఏది? - నక్షత్రాలు
కంటిపాపను, నక్షత్రాలను నానార్థాలుగా గల పదం - తార

నవ్వుగాని దేన్ని చూసి సంతోషపడతాము - వలపు(ప్రేమ),
పువ్వు దేనితో కలిసి అందంగా ఉండగలవు - వాసన
వలపు, వాసన రెండింటికి కలిపి నానార్థంగా ఉన్న పదం ఏది - వలపు


 పువ్వుగాని దేనితో? కూడి అందంగా ఉండగలవు - వలపు

Post a Comment