భార్యలిద్దరు శ్రీరామచంద్రునకును

భార్యలిద్దరు శ్రీరామచంద్రునకును

సాహితీమిత్రులారా!

సమస్య - 
భార్యలిద్దరు శ్రీరామచంద్రునకును


మోచర్ల వెంకన కవి పూరణ-

రావణుని సంహరించియు రాజ్యమునకు
నంగనను గూడి యభిషిక్తుడై వెలుంగ
హారతిచ్చిరి ప్రేమతో హరుని ముద్దు
భార్యలిద్దరు, శ్రీరామ భద్రునకును

ఏకపత్నీవ్రతుడని ప్రసిద్ధడైనవాడు 
శ్రీరామచంద్రుడు. ఆయనకు ఇద్దరు భార్యలు 
ఉన్నారని విరుద్ధార్థం స్ఫురించే సమస్య
ఇవ్వగా దాన్ని కవి ఎంత సమయస్ఫూర్తితో
వాక్యాన్ని విరిచి, శివుని భార్యలు గంగాపార్వతులు
శిరీరామునికి హారతి ఇచ్చి విజయాభినందనలతో 
స్వాగతం పలికారని చక్కగా పూరించాడు వెంకనగారు.


మీరును మీదైన శైలిలో పూరించి పంపగలరు.