ఏకాక్షర నిఘంటువు - 4
సాహితీమిత్రులారా!
నిన్నటి తరువాయి..........
క - బ్రహ్మ, వాయువు, పరమాత్మ, అగ్ని, చిత్తము,
సూర్యుడు, బుద్ధి, యముడు, నెమలి, విష్ణువు,
సముద్ర వస్తువు, శ్వేత వర్ణం, సిగ్గు, తల, సుఖం,
ఏడాది, తెలుపు, అడవి, ఆశ్చర్యం, పసుపు, నీరు.
క: - విష్ణువు, చతుర్ముఖుడు, మన్మథుడు, అగ్ని, వాయువు,
సూర్యుడు, యముడు, దక్షుడు, పక్షి, మేను, ఆత్మ,
ధ్వని, బుద్ధి, నెమిలి,కాంతి, కాలము.
కం - నీరు, సుఖము, శిరసు, బ్రహ్మము.
కిం - ఏమని అడుగుట, నింద, ఆక్షేపణ, సందేహం,
వికల్పం, దూఱు, నీతి, అడుగు.
కి - జ్ఞానం, ఎఱుంగుట.
కీ - నింద
కు - భూమి, కుత్సిత పాపము, కొంచెము, నివారించుట,
నింద, రాయి, షష్ఠీ విభక్తి ప్రత్యయము.
కు: - భూమి, ఒకటి.
కూ: - పిశాచి.
క్రా: - ఆక్రమించువాడు.
క్రీ: - కొనివాడు.
క్రీ - కాలికా, బీజము.
క్రోం - అంకుశ బీజము.
క్రౌమ్ - అంకుశ బీజము.
క్లీం - జగన్మోహన(కామ)బీజము.
క్ష - అడ్డగించుట, విరోధము, క్షేమము,
దుస్స్వప్నము, క్షత్రియుడు, రక్కసుడు.
క్షం - పొలము, రక్కసుడు.
క్ష: - క్షేత్రము, వక్షస్స్థలము, వ్యాకరణశాస్త్రము.
క్షి: - క్షేత్రము, క్షాత్రసంరక్షణము, నరసింహస్వామి.
క్షా - ఓర్పు, నిద్ర
క్ష్మా - భూమి
No comments:
Post a Comment