తప్పక చెప్పవలెను
సాహితీమిత్రులారా!
ఈ పొడుపు పద్యం చూచి సమాధానం చెప్పండి-
ఇంటనుండును నెప్పుడును నెవ్వియెవియొ?
వెంటనుండును నెవ్వియో వేఱుగాక ?
తప్పకును జెప్పవలయును తత్క్షణంబ
విమలనుతులార! విజ్ఞానవిబుధులార!
ఈ పద్యంలో రెండు ప్రశ్నలు ఉన్నాయి
1. ఇంటిలో ఎప్పుడూ ఉండేవి ఏవి
2. వెంట ఎప్పుడు విడకుండా ఉండేవి ఏవి
వీటికి సమాధానాలు ఇందులో లేవు. మీరు ఆలోచించి చెప్పాలి
ఇలాంటివాటిని బహిర్లాపిక ప్రహేళికలలో చేర్చవచ్చు.
సమాధానాలు-
1. ఇంటిలో ఎప్పుడూ ఉండేవి ఏవి?
- కలిమి లేమి(ఇవి ప్రతి ఇంట్లో ఉంటాయికదా!)
2. వెంట ఎప్పుడు విడకుండా ఉండేవి ఏవి?
- పాప,పుణ్యాలు(ఇవి ఎప్పుడైనా వదలిపోతాయా?)
No comments:
Post a Comment