ఊర్వశి రమ్ము నీ కిదె బహూకృతి కొమ్ము
సాహితీమిత్రులారా!
సమస్య-
ఊర్వశి! రమ్ము నీ కిదె బహూకృతి కొమ్ము కపాలకుండలా!
కరుణశ్రీగారి పూరణ -
రావణాసురుడు శివపూజ చేస్తూ
తన తలలనే అర్పిస్తూ అంటున్నట్లుగా పూరించారు.
శర్వ గిరీశ సాంబశివ శంకర రుద్ర భవా హరా దయా
ధూర్వహ ధూర్జటీ తలలు తొమ్మిది కోసితి పూజ చేసితిన్
శర్వ యి దొక్కటే మిగిలె స్వాములకున్ దయ రాదటంచు ని
ట్టూర్వ, శిరమ్ము నీ కిదె బహూకృతి గొమ్ము కపాలకుండలా!
"ఊర్వశి! రమ్ము" అనేదాన్ని
"నిట్టూర్వ - శిరమ్ము" - అని మార్చడంతో
అద్భుతమై విచిత్రార్థం వచ్చి
రమణీయపూరణ లభించింది.
ఆసక్తిగలవారు మరోరకంగా పూరించి పంపగలరు.
No comments:
Post a Comment