కచకుచాననగళనేత్రకరయుగముల....
సాహితీమిత్రులారా!
ఈ పద్యంలో ఒక స్త్రీ అవయవములకు
ఏవేవి ఓడి ఎలా పోయినవో చెబుతున్నాడు కవి.
చూడండి-
కచకుచాననగళనేత్రకరయుగముల
కళికుభృచ్చంద్రతరవారిజలతలోడి
పారెధరజొచ్చెగసియించెనీటమునిగె
(పోయిధరజొచ్చెగసియించెనీటమునిగె)
బంకబునజిక్కెనిడుదలైబయలుకురికె
(నానార్థగాంభీర్యచమత్కారిక - పుట.30)
ఆ స్త్రీ కొప్పునకు కుచమునకు, కంఠమునకు,
నేత్రములకు, చేతులకు, తుమ్మెదలు, పర్వతములు,
చంద్రుడు, శంఖము, పద్మము, లతలు ఓడిపోయి
తుమ్మెదలు పారిపోయినవట,
పర్వతములు భూమిలోకి వెళ్ళినవట,
చంద్రుడు క్షీణించుచున్నాడట,
శంఖము నీళ్ళలోకి పోయినదట,
పద్మములు బురదలోకి చేరినదట,
లతలు పొడుగులై పైకి పడిపోయినవట - పాపం.
అంత అందమైనదేమొ ఆ స్త్రీ.
కొప్పునకు -తుమ్మెదలు
కుచములకు - పర్వతములు
ముఖమునకు - చంద్రుడు
కంఠమునకు - శంఖము
నేత్రములకు - పద్మము
చేతులకు - లతలు
ఓడిపోయినవి-
ఓడిపోయి
తుమ్మెదలు - పారిపోయినవి
పర్వతములు - భూమిలోకి పోయినవి
చంద్రుడు క్షీణించి పోతున్నాడు
శంఖము నీటమునిగిపోయినది
పద్మములు బురదలో చిక్కుకుపోయినవి
లతలు పెరిగి పయికి పడిపోయినవి
No comments:
Post a Comment