అన్నను భర్తగా గొనిన అన్నలమిన్న
సాహితీమిత్రులారా!
క్రింది సమస్యను చూచి పూరించ ప్రయత్నించండి
అన్నను భర్తగా గొనిన అన్నుల మిన్న అదృష్ట రాశియౌ
దీన్ని వసంతరావు వెంకటరావు గారు పూరించిన విధానం-
కన్నియ యోర్తు కూర్మి చెలికత్తె కనుంగొని పల్కె నిట్లు సం
పన్నుని పెండ్లి యాడ తలపం దగునే చెలి పెండ్లియాడు ప్రే
మ న్నిన్ను చూచునట్టి బుధమాన్యుడు నాదు సహోదరుండు మా
అన్నను భర్తగా గొనిన అన్నుల మిన్న అదృష్ట రాశియౌ
(ఒక కన్య తన స్నేహితురాలితో కేవలం డబ్బుగలవాడినే పెళ్ళి చేసుకోవాలని అనుకోకు
ధనం కన్న ప్రేమ ముఖ్యం మా అన్న ప్రేమతో నిన్ను చూసుకుంటాడు అతన్ని భర్తగా
పొందితే ఏ క్నయ అయినా అదృష్టవంతురాలు అవుతుంది - అని అన్నది)
No comments:
Post a Comment