అలా కాకుంటే అవివేకే

అలా కాకుంటే అవివేకే

సాహితీమిత్రులారా!

ఆర్యా శతకంలోని ఈ పద్యం చూడండి-

పడతి కుభయ పక్షములను
పుడమి నేడుగడగ నిలిచి పొలుచునెవడునా
తడె పతియటు గాకున్నను
వెడగుసుమీ జగతియందు వినుమా యార్యా!

ఉభయపక్షములు - ఇహపరాలు, రెండువైపులు.
ఏడుగడ - ఆధారం
పడతికి ఇహపరాలలో రెండువైపులా అనగా
ఇహంలోనూ పరంలోనూ అండగా ఉండేవాడే భర్త
అలాకానివాడు అవివేకి క్రిందనే లెక్క - అని భావం.

ఇందులోని శబ్దచిత్రం-
పడతి - అనే పదంలో మొదటి చివరి అక్షరాలను కలిపిన పతి అవుతుంది.
దీన్నే కవిగారు ముందు వెనుక అంటే పతి అయినవాడు ఇదేవిధంగా
ముందు వెనుక రక్షణగా ఉండేవాడే పతి లేనివాడు అవివేకి అని చెబుతున్నాడు.