Saturday, October 15, 2016

దీని భావమేమి తిరుమలేశ?


దీని భావమేమి తిరుమలేశ?


సాహితీమిత్రులారా!


ఇది ప్రహేళికలలోని ఒక రకానికి చెందినది.
ఈ పద్యం చూడండి.

వంగతోటనుండు వరిమళ్ళలోనుండు
జొన్నచేలనుండు చోద్యముగను
తలుపుమూలనుండు తలమీఁదనుండును
దీని భావమేమి తిరుమలేశ?

ఈ పద్యం కడు చిత్రమైనది గమనింపుము.
వంగతోటలో నుండేదీ, వరిమళ్ళలోనుండేదీ,
జొన్నచేలలోనుండేదీ, తలుపుమూల నుండేదీ
ఏదో అది దీని సమాధానం.

ఏమిటది ?
             ఏమిటదీ?
                      ఏమిటదీ ?
                                  - అని ఏంత ఆలోచించినా తెలియనిది.
ఏమీలేదు మనభ్రమతప్ప మరేంలేదు.
ఇక్కడ విరామం లేకుండా చెప్పడంలో ప్రశ్న పుడుతోంది.
ఇప్పుడు చూడండి.

వంగ తోటనుండును, 
వరి మళ్ళలోనుండును
జొన్న చేలనుండును 
(చోద్యముగను)
తలుపు మూలనుండును, 
తల మీఁదనుండును
ఏముంది మరి ఎక్కడున్నవి
అక్కడే ఉన్నాయి.

No comments: