సీతను పెండ్లాడి శివుడు శిశువున్ గనియెన్
సాహితీమిత్రులారా!
సమస్యాపూరణ బహుచమత్కారంగా చేయువారు
మన కవులు అనేకురు అలాంటివారిలో
"గుమ్మన్నగారి లక్ష్మీనరసింహశర్మ"
నేటి తెలంగాణరాష్ట్రంలోని మెదక్ జిల్లా
దుబ్బాక మండలంలోని పోతారెడ్డి పేట వాస్తవ్యులు.
సమస్య - సీతను పెండ్లాడి శివుడు శిశువున్ గనియెన్
పూరణ -
చైతన్యానంద సుధా
ప్రోతస్విని జాలువారు చొప్పున సుమన
ప్రీతిగ హిమవ త్సుత నత
సీ తను పెండ్లాడి శివుడు శిశువున్ గనియెన్
ఈ పూరణలో శివుడు పెండ్లాడినది సీతను కాదు
హిమవత్సుత అంటే పార్వతి
ఆమె ఎలాంటిదంటే అతసీ తనున్ -
అతసీ అంటే అవిసె పుష్పము వంటి
సుకుమారమైన తనువుగల పార్వతిని
పెండ్లాడి శివుడు శిశువును కనియెను.
ఎంత చమత్కారంగా పూరించాడు.
ఆసక్తిగల కవులు మరొక రకంగా పూరించగలరు
No comments:
Post a Comment