క్రమ్మర నావిభు నామమయ్యెడున్
సాహితీమిత్రులారా!
ఒక యువతి తన మిత్రురాలిని ప్రేమతో,
"నీ భర్త పేరేమ"ని అడిగందట
దానికి ఆమె సూటిగా చెప్పకుండా
పొడుపుకథలా చెప్పి అందులో ఉంది
నాపతి పేరు అని చెప్పింది.
ఆ పద్యం చూడండి-
మమతమ దన్ను నొక్క చెలి మానిని నీవిభు నామ మేమనన్
కమలజ గంధి పల్కె, కరికంధిప్రజాపతిచంద్రికాతప
త్రముల ద్రివర్ణయుక్తముగ వ్రాసియు నందలి మధ్యవర్ణముల్
క్రమముగ కూర్చి పల్కినను క్రమ్మర నావిభు నామమయ్యెడున్
ఇందులో కరి, కంధి, ప్రజాపతి, చంద్రిక, ఆతపత్రము - అనే
వాటిని మూడు అక్షరాల పదాలుగా అర్థం తీసుకొని వాటిలోని
మధ్య అక్షరాలను తీసుకుంటే ఆమె భర్తపేరు వస్తుందట.
చూద్దాం-
కరి - ఏనుగు -సారంగం
కంధి - సముద్రం - సాగరం
ప్రజాపతి - బ్రహ్మ - విధాత
చంద్రిక - వెన్నెల - కౌముది
ఆతపత్రం - గొడుగు - గొడుగు
వీటిలోని మధ్య అక్షరాలను తీసుకుంటే
రంగధాముడు అవుతుంది.
అంటే ఆవిడ భర్తపేరు అదన్నమాట.
No comments:
Post a Comment