గౌరి భర్తముఖం చూడదు

గౌరి భర్తముఖం చూడదు

సాహితీమిత్రులారా!

కావ్యకంఠ గణపతిమునికి
నవద్వీప పండిత పరిషత్తులో
ఇచ్చిన సమస్య ఇది

వత్సర స్యైకదా గౌరీ పతి వక్త్రం నపశ్యతి
(సంత్సరాని కొకసారి గౌరి భర్త ముఖం చూడదు)

ఇది పతివ్రతా ధర్మానికి విరుద్ధం కదా
దాన్ని వారు ఇలా పూరించారు చూడండి-

భాద్రశుక్ల చతుర్థ్యాంతు చంద్రదర్శన శంకయా
వత్సర స్యైకదా గౌరీ పతి వక్త్రం నపశ్యతి


వినాయకచవితినాడు చంద్రదర్శనం దోషం కదా!
మరి చంద్రుడేమో శివుని తలపై ఉంటాడు
అందువలన గౌరీదేవి సంవత్సరానికొకసారి
శివుని ముఖం చూడదు - అని భావం.

ఎంత కమనీయమైన ఊహతో పూరించాడో కదా!